سلام..
هنا أصحابي.. هنا أحبابي.. هنا حبيبي اللي دق بابي..
هنا شمسي.. هنا قمري.. هنا نيلي و هنا هرمي..
هنا أبويا و هنا أمي.. هنا عرضي و هنا دمي..
هنا بلادي و هنا أجدادي.. و هنا حيكونوا أحفادي..
هنا ماضيا و لياليا.. و هنا ذكرى كانت ليا........
ده جزء من أغنية "سلام يا بلدي" لمحمود العسيلي.. لكنها مش مجرد أغنية بالنسبة لي.. دي جزء مني أنا كمان.. هنا حياتي اللي بحاول أفهمها, و بحبها, و حتكلم عنها في البلوج ده..
اترددت كتير على ماخدت قرار فتح البلوج( معلش أصلي بسترخم كلمة مدونة شوية.. ),, زي ما اترددت أني أكتب أصلا عن حاجات كتير جوايا.. كنت دايماً دافنة حياتي جوايا, أو في بير عميق في قلوب أصحابي المقربين.. لكن لمّا الصوت يتحبس جواك بدافع الملل أو الاحباط,, ملقيتش غير أني أطلعه ع الورق.. يمكن أقدر أسمعه بنفسي.. أو حد يسمعني..
دي كانت البداية لمّا كتبت أفكاري على ورق, أو حتى على صفحة إلكترونية كنوع من مواكبة التطور.. بس سيبك إنتا, اللي في القلب في القلب.. :)
طبعاّ أنا مضمنش حكتب إمتى, أو الظروف حتسمحلي آجي البلوج إمتى تاني.. لكن بما أن عندي امتحان بكرة, فأوعدكوا لينا لقاء تاني قريب.. ميرسي لكل اللي صدعتهم برغيي طول حياتي و لسه عندهم استعداد يسمعوني تاني و يقروا أفكاري..
و خير الختام,,,سلام.........
هناك 4 تعليقات:
مرحبآ بكي في عالم البلوجات..و حلوة الدخلة بتاع مسلسل "سكة الهلالي" دي
واول كلامي سلام :)
عزيزي سولتو.. إنتا عارف إنك كنت من أول مشجعيني على فتح البلوج.. فلو ملقتش حد يقراه, فمهمتك مستمرة يا صديقي.. D:
و البلوج منور بيك و ب باتمان و روبين و كل الناس الحلوة.. D:
مبروك البلوج الجميل :)
ميرسي ليك يا أحمد.. حوزع شربات حين ميسرة بقى.. :)
إرسال تعليق